വാശിയേറിയ മത്സരത്തിനൊടുവിൽ ആണ് കേരളാ ഫിലിം പ്രൊഡ്യൂസേഴ്സ് അസോസിയേഷന് ഭാരവാഹി തിരഞ്ഞെടുപ്പില് ലിസ്റ്റിൻ സ്റ്റീഫൻ വിജയകൊടി പാറിച്ചത്. ബി. രാകേഷ് പ്രസിഡന്റായും ലിസ്റ്റിൻ സ്റ്റീഫൻ സെക്രട്ടറിയായും ആണ് തിരഞ്ഞെടുക്കപ്പെട്ടത്. രാകേഷും ലിസ്റ്റിനും ഉൾപ്പെട്ട നിലവിലെ
257 വോട്ടുകളാണ് ആകെ പോൾ ചെയ്തത്. സെക്രട്ടറിയായി തിരഞ്ഞെടുക്കപ്പെട്ട ലിസ്റ്റിൻ സ്റ്റീഫന് ലഭിച്ചത് 128 വോട്ടുകളാണ്. ലിസ്റ്റിൻ സ്റ്റീഫന്റെ എതിർ സ്ഥാനാർഥികളായി മത്സരിച്ച സംവിധായകൻ വിനയന് 87 വോട്ടും കല്ലിയൂർ ശശിക്ക് 25മാണ് ലഭിച്ചത്.
ഇപ്പോൾ ഇതാ തന്നെ വിജയിപ്പിച്ചവർക്ക് നന്ദി പറഞ്ഞ് ലിസ്റ്റിൻ ഒരു ഫേസ്ബുക്ക് പോസ്റ്റുമായി എത്തിയിരിക്കുകയാണ്. അദ്ദേഹത്തിന്റെ വാക്കുകൾ ഇങ്ങനെയാണ്, “ഫിലിം ചേംബർ തിരഞ്ഞെടുപ്പിൽ എക്സിക്യൂട്ടീവ് ആയി മത്സരിച്ച എന്നെ ഏറ്റവും വലിയ ഭൂരിപക്ഷത്തിൽ വിജയിപ്പിച്ച എല്ലാവർക്കും നന്ദി” എന്നാണ്. നിരവധി പേരാണ് ഇതിന് കമന്റുമായി എത്തിയിരിക്കുന്നത്. അതേ സമയം പ്രൊഡ്യൂസേഴ്സ് അസോസിയേഷന്റെ എക്സിക്യൂട്ടീവ് കമ്മിറ്റിയിലേക്ക് പതിനാലുപേരാണ് തിരഞ്ഞെടുക്കപ്പെട്ടത്. സുരേഷ് കുമാർ ജി., കൃഷ്ണകുമാർ എൻ. ഉണ്ണി, ഷെർഗ സന്ദീപ്, ഔസേപച്ചൻ, സന്തോഷ് പവിത്രം, ഫിലിപ്പ് എം.സി., സെഞ്ച്വറി കൊച്ചുമോൻ, രമേഷ് കുമാർ, കെ.ജി. രമ, സിയാദ് കോക്കർ, സുബ്രഹ്മണ്യൻ എസ്.എസ്.ജി, എബ്രഹാം മാത്യു, മുകേഷ് ആർ മേത്ത, തോമസ് മാത്യൂ തോമസ് തിരുവല്ല ഫിലിംസ്, ജോബി ജോർജ് തുടങ്ങിയവരാണ് എക്സിക്യൂട്ടീവ് കമ്മിറ്റിയിലേക്ക് തിരഞ്ഞെടുക്കപ്പെട്ട മറ്റുള്ളവർ.
