പാപ്പച്ചൻ ഒളിവിലാണ് എന്ന ചിത്രത്തിന്റെ സംവിധായകൻ സിന്റോ സണ്ണി അഭിനയ രംഗത്ത്. ഇപ്പോൾ പുഞ്ചിരി മുറ്റത്ത് ഇട്ടിക്കോര എന്ന ചിത്രം സംവിധാനം ചെയ്തു വരികയുമാണ്. ഈ അവസരത്തിലാണ് ഒരു മ്യൂസിക്ക് ആൽബത്തിൽ നായകനായി അഭിനയിക്കുന്നത്. നവാഗതനായ ബിനു മാധവ് ആണ് ഈ മ്യൂസിക്ക് ആൽബം സംവിധാനം ചെയ്തിരിക്കുന്നത്. ഈ മ്യൂസിക്ക് ആൽബം പ്രണയത്തിൻ്റെ ദിനമായി കണക്കാക്കുന്ന വാലൻ്റൈയിൻസ് ഡേയായ ഫെബ്രുവരി പതിനാല് വെള്ളിയാഴ്ച്ച പുറത്തുവിട്ടിരിക്കുന്നു.
ശശിയും ശകുന്തളയും എന്ന ചിത്രത്തിലെ നായികയായ നേഹയാണ് ഈ ആൽബത്തിലെ നായിക.മലയാളത്തിനു പുറമേ തമിഴ് ചിത്രത്തിലും അഭിനയിച്ചുകൊണ്ടിരിക്കുന്ന നേഹ ഇത് ആദ്യമായല്ല മ്യൂസിക്കൽ ആൽബത്തിൽ അഭിനയിക്കുന്നത്. ‘കാവിനക്കരെ‘ എന്ന വീഡിയോ ഗാനം സോഷ്യൽ മീഡിയയിൽ വൻ വിജയമായിരുന്നു. പ്രണയിക്കുന്നവർക്കും, പ്രണയിച്ചിട്ടുള്ള വർക്കും ,
ഇനിപ്രണയിക്കുന്ന വർക്കും ഏറെ കൗതുകമായിട്ടാണ് ഈ ആൽബം പുറത്തിറങ്ങിയിരിക്കുന്നത്. സോഷ്യൽ മീഡിയായിൽ വലിയ സ്വീകരണമാണ് ഈ ആൽബത്തിനു ലഭിക്കുന്നത്.
